Бұл туралы Денсаулық сақтау министрлігі мәліметінде айтылған.

Туберкулёзбен сырқаттанушылықтың негізгі көрсеткіші 2018 жылы 81,7-ден 2022 жылы 100 мың халыққа шаққанда 36,5-ке дейін төмендеді, таралуы бойынша 2018 жылы 69,2-ден 2022 жылы 49,6-ға дейін төмендеді, өлім-жітім де 2018 жылы 7,4-тен 2022 жылы 1,6-ға дейін төмендегені айтылды.

ҚР Денсаулық сақтау министрлігінің штаттан тыс бас фтизиатры Мәлік Әденовтің айтуынша, 2023 жылдың 1-жартыжылдығындағы көрсеткіштерді талдау кезінде сырқаттанушылықтың, таралудың және өлім-жітімнің төмендеуі байқалады. Бұл факт ҚР бойынша эпидемиологиялық жағдайдың көпжылдық тұрақтанғанын көрсетеді.

"Қазақстанда туберкулёзді уақтылы анықтау үшін халықаралық стандарттарға сәйкес келетін және көптеген дәріге көнбейтін туберкулёз бен туберкулёздің (КДК ТБ) болуын анықтауға мүмкіндік беретін ДДСҰ ұсынған заманауи әдістер енгізілді.

Туберкулёздің белгілері мен симптомдары бар барлық адам үшін бастапқы диагностикалық сынақ ретінде ДДСҰ молекулалық диагностикалық жедел сынақтарды қолдануды ұсынады. Осы сынақтардың көмегімен 2 сағаттың ішінде нәтиже алуға және адамның негізгі туберкулёзге қарсы препаратқа сезімталдығының бар-жоғын білуге болады", — делінген хабарламада.

Қазіргі уақытта барлық МСАК ұйымдары, оның ішінде аудандық деңгейдегі ұйымдар туберкулёзді және оның тұрақты түрлерін тез диагностикалау үшін жабдықтармен қамтамасыз етілген.

"Жұмыс істеп тұрған 19 өңірлік (облыстық, қалалық) туберкулёзге қарсы зертханалар жаңа және қайта бейінді препараттарды қоса алғанда, дәрілік сезімталдыққа тестілеу бойынша сапаны сыртқы бағалаудың халықаралық раундынан өтті. Қазақстанда туберкулёзбен ауыратын науқастарды емдеудің тиімділігі әлемдегі ең жоғары көрсеткіштердің бірі болып табылады және 2021 жылы сезімтал туберкулёзбен алғаш анықталған науқастардың арасында ол 85,9 пайыз (ДДСҰ стандарты — 85 пайыз) және дәріге көнбеушілігі – 80,2 пайыз (ДДСҰ стандарты — 75 пайыз) құрады.

Аурумен күресте үлкен тиімділікке дәрі-дәрмектердің жаңа түрлерін енгізумен, сондай-ақ жаңа технологиялар маңызды рөл атқарған процестің өзін жетілдірумен қолжеткізілді", — делінген хабарламада.

Мысалы, смартфон арқылы бейне байланыс арқылы медицина қызметкерлері емдеу процесін бақылайтын бейне-бақыланатын емдеу тәжірибесі енгізілген. Бұл ретте интернет үшін шығындарды медициналық мекеме өзіне алады. Егер пациентте смартфон болмаса, медициналық мекеме оны ұсынады.

"Бүгінде ҚР заңнамасына сәйкес туберкулёзбен ауыратын науқастарға психикалық-әлеуметтік қолдау көрсетіледі, 2022 жылдың қорытындысы бойынша амбулаториялық ем алатын пациенттердің 95 пайызы әлеуметтік қолдау шараларымен қамтылды", — делінген хабарламада.

Сурет: elements.envato.com