Қазақстанда авиакеросинге деген қажеттілік 600-650 мың тонна өндіріс кезінде 1,5 млн тоннаға дейін өсуі мүмкін. Айырмашылықты Қытайдан импорттау жоспарлануда. Бұл туралы LS-ке көлік вице-министрі Талғат Ластаев мәлімдеді.

Алматыдағы ICAO өңірлік симпозиумының аясында LS тілшісінің сұрағына жауап бере отырып, спикер өткен жылы Қазақстанның әуе кеңістігі арқылы ұшу саны екі есеге артқанын атап өтті. Ластаевтың айтуынша, әуетасымалдаушылардың қажеттіліктерін қанағаттандыру үшін, бірінші кезекте отынның жеткілікті көлемі қажет.

"Бүгінгі таңда отандық өндіріс жылына 600-650 мың тонна көлемінде авиаотынға деген қажеттілікті өтей алады. Бұл ретте Қазақстанға ұшатын біздің және шетелдік компанияларға 1 млн тонна керек. Айырмашылық импортталады. Егер біздің аумағымыздан ұшатын барлық әуе кемелеріне қажетті отын көлемін берсек, сұраныс 1,5 млн тоннаға дейін артуы мүмкін", — деп түсіндірді вице-министр.

Шетелдік жеткізілімдер ішкі жанар-жағармайға қарағанда қымбатырақ болғандықтан, өндіріс көлемінің ұлғаюы жүйелі шара болып қала бермек.

Бұдан басқа, импортты әртараптандыру үшін Қазақстанда негізінен батыс елдерінде қолданылатын JET A-1 отын стандарты енгізілуде.

"Қазір біз бұрынғы КСРО мен ТМД елдері қолданатын ТС-1 стандартын қолданамыз. JET A- 1 отынды Қытайдан және осы стандартты шығаратын басқа елдерден импорттауға мүмкіндік береді", — деп түсіндірді ол.

Бүгінде Алматы халықаралық әуежайы инфрақұрылымды осы стандартқа ауыстыруға кіріскен. Сәуір айында әуе айлағы жанар-жағармайдың халықаралық түрін қабылдауға мүмкіндік алады.

Мұнай өңдеу зауыттары JET A-1 өндірісіне де ауыса алады, бірақ спикердің айтуынша, жанармай стандартына қарамастан көлем өспейді.

"Нәтижесінде 600-650 мың тонна жергілікті өндіріспен, ал 1,5 млн тоннаға дейін өсуі мүмкін айырмашылық Қытайдан импорт есебінен жабылады. Кейіннен, егер қазақстандық әуежайлардың жерүсті инфрақұрылымы жаңа стандартқа ауыстырылса, ТС-1, әуе айлақтарын енді қабылдай алмайды", — деп түсіндірді Ластаев.

Естеріңізге сала кетейік, бұған дейін LS редакциясы мемлекеттік органдарда Қазақстанның Қытайдан импорты есебінен авиаотын тапшылығы мәселесі қалай шешетіні туралы ақпарат жариялаған болатын.